- A New Beginning for Rinconada!
- Profile of Jay Magistrado Dimaiwat
- Guest Speaker: 2008 Magistrado Clan Reunion
- UP Centennial Celebrations
- Youth Leaders Summit - Iriga City
- Culinary Show - Kumbira Cagayan De Oro
- PI SIGMA 35th Grand Anniversary
- Albay Relief Aid 2006 : Typhoon Reming Devastation
- Nestle-Graceland Restaurant Business Partnership
- Nestle-SMART Contract Signing
- Nestle-Sonnets Business Partnership
- Nestle-Cindys Contract Signing
- Kaipuwan na á Pagbabago saka Progreso sa Rinconada!
Kaipuwan na á Pagbabago saka Progreso sa Rinconada!
GO RINCONADA MOVEMENT
SEC Reg. No. CN200814697
Kumusta po kamo? Minamawot ko man lugod na nasa maray kamong kamotangan pirmi. Minamawot ko na kamong mga miyembro sa GO RINCONADA MOVEMENT nagkaka-usad, nag-iiba-iba saka padagos na nag-iingowa para sa progreso kana komunidad ta.
Nasabi na po gayod kaninyo ku pag-organize sa GRM chapter na ako po nguwan 39 years old na, agko na agom saka 3 igin. Nagdakulo sa Iriga y nguwan usad na Vice-President sa Nestle Phils., Inc. Amo po adi pinaka-dakulong kumpanya sa pagkaon na nagigibo ka mga Nescafe, Nido, Bear Brand saka Maggi. Dakulong orgullo ta na usad na taga-Iriga, usad na taga-Rinconada ana agko alangkaw na posisyon sa kumpanyang adi.
Padagos ana paglilibot ko sa mga barangay sadi Rinconada. Pagpasensyan na muna ninyo ko kin diri man ako naka-aabot pa sa barangay ninyo. Sinisigurado ko kaninyo na mabibisita ta man kamo sa mga umaabot na panahon. Sadto mga GRM chapters ta na naiyanan ko na saka sadto mga Officers ku GRM chapters na nakausip ko na, Congratulations kaninyo!
Gusto kong ipaabot ka lambang usad na miyembro ta sa GO RINCONADA MOVEMENT na ana organisasyon ta nagpaparakusog sana. Tapos na kitang mag-organisa sa 36 na barangay sadi Iriga. Nguwan, padagos ana pag-organisa ta sa Buhi, Nabua, Baao, Bula, Bato saka Balatan.
Ading mga naka-aging bulan, aktibo ana organisasyon ta sa mga manlaen-laen na proyekto:
- Nag-award kita sa Leadership & Excellence Gold Medallion medals sadto mga estudyanteng nag-gradwar na nag-igot sa kandang pag-eskwela
- Dakul kitang natabangan na mga eskwelan sa paagi ka pag-donar sa atop, semento,ulaan/lamesa saka pintura sa koordinasyon ku mga PTA
- Dakul kitang mga estudyante saka maestro/maestra na natabangan ku kandang pangapanga-ipo sa eskwelan
- Nagtao kita sa mga relief goods sadto binahang mga barangay sa Nabua
Dakul pa kintana kitang gustong matabangan kindi sabi ko ngani sadto mga nagkapira ng GRM induction sa mga barangay na iniyanan ko, “limitado sa nguwan ana pondo ta por medio na galin adi sa pribadong bulsa. Ana importante nakatabang kita maski gatingay. Maski ngani kita bukong nasa posisyon nguwan sa gobyerno, ako na pribadong tawo sana nag-iingowa na makatabang sa kadaklan. Kaya ngani ako, si JAY MAGISTRADO DIMAIWAT, nag-aaspirar na magloog sa serbisyo publiko bilang Congressman kana 4th District, Camarines Sur! bilang representante kana Rinconada sa Kongreso kana 2010!
Arog ninyo, minamawot ko ana PAGBABAGO , minamawot ko ana PROGRESO buko sana ka usad na banwaan kindi ka na enterong Rinconada.
Malaka-dakulo ka potensyal ka distrito na diri sana nari-realizar. Kin pababayaan ta, uda mingyari! Mauuri na kita sa maray! Magtabang-tabang po kita ngamin! Kaipuwan ana maka-bago, progresibo, hobin na lider! Para mag-PROGRESO, kaipuwan sa PAGBABAGO!
Panahon na! Oras na! Mag-iba-iba kita! Mag-tinabang-tabangan! Magka-usad kita para sa futuro ka na Rinconada! Para sa futuro ka na mga kabanwaan ta! Para sa futuro ka mga igin ta! Mabuhay Rinconada!
Mabalos po kaninyo!
JAY MAGISTRADO DIMAIWAT
Chairman – Go Rinconada Movement
www.gorinconadamove.com